Shy-Rose Bhanji akiwa na Katibu mkuu wa CHADEMA Wilbroad Slaa

Sheria ilimbana mgombea ubunge wa Afrika Mashariki Rose Daudi Mwalusamba ambae alitangaza uamuzi wa kujitoa kugombea nafasi hiyo baada ya kushindwa kujieleza vizuri mbele ya Wabunge.
Hilo limetangazwa wakati wa mchakato wa kuwatafuta wabunge wa Afrika Mashariki ambapo wagombea mbalimbali walizitoa sera zao kwa lugha ya kiingereza kwenye bunge la Jamuhuri ya Muungano wa Tanzania April 17 2012.
Kauli aliyoitoa kwa kiingereza mbunge Rose Mwalusamba kuhusu kujiondoa, sauti yake iko hapo chini unaweza kuisikiliza.
Hata hivyo washindi wa Ubunge huo ni Shayrose Banji,Anjela Charless Kizigha,Mwinyi Hassan,Taslim Twaha Issa, Kesi Ndelakindo Perepetua, Kimbisa Adam Omary,Murunya Bernad,Makongoro Nyerere na Yahya kwa mujibu wa mrokim.blogspot.com

Kabla ya wabunge hao kutangazwa, Mbunge wa Kyela Mh Harrison Mwakyembe alisimama na kuzungumza bungeni kwa kutoa kauli ifuatayo “Muheshimiwa spika lazima niseme ukweli kwamba heshima yetu ndani ya jumuiya ya Afrika Mashariki kwa kiasi, imemomonyoka sana kutokana na baadhi ya wawakilishi tunaowachagua hapa kuwa chini ya kiwango, hawana uwezo, kwa hiyo wanakua mabubu katika kipindi chote cha uwakilishi wao, watu wanajua tu kuomba kura na kupiga magoti, wakifika kule voice of Kenya kuna interview wamejificha chini ya meza wanabakia watu watatu tu kuongea, waheshimiwa wabunge nawaomba tuchague watu wenye uwezo”